阿蘇教你賺兩億

「我要賺兩億！」這將會是蘇施黃未來10年的座右銘，惡死過導遊阿珍的阿蘇今趟唔再教人煮餸介紹美食，明日起她會在圓方The Grand戲院舉行一連15場的賺錢講座，實行化身嚴師教人搵錢秘訣，最重要是教你定下做人目標，不要像她hea足大半生才懂得發憤銀，到時近 15,000人將會成為「蘇嚴師」的高徒，阿蘇大派定心丸表示講座人人啱聽，更揚言只要跟足「SMART」的搵錢方式就個個都有機會賺到兩億。

現年55歲的蘇施黃明天起至本月22日逢周一至周五會在圓方The Grand戲院舉行15場「我要賺兩億！」講座，到時阿蘇每日做足三場，每場同你talk足一小時，門票100元，用100元換來兩億的夢，絕對物超所值。

患病頓覺錢重要
阿蘇以惡死見稱，今趟踩過界做「蘇嚴師」，教授15,000名高徒，她自言一切都從50歲時患病開始，她覺得自己很幸運，因為朋 友、公司、屋企人，包括上帝都不斷給她機會，但她恐怕今次是最後一次機會，她日前接受訪問說：「50歲前自己嘅搵錢態度好hea，病咗之後就好似一隻馬戴 咗眼罩，會好focus。我喺50歲前以為人生目標就係開心，打場麻雀係開心，喺屋企唔做嘢又開心，但呢啲開心要有時間有錢同自由先可以話想點就點，我 50歲前只係有少少時間、少少錢同好多自由，所以我就誤解咗，當我一病時income會drop，又冇咗自由，時間又大部份放喺張床上，但人生咁係唔 得。」
於是阿蘇在卧病時想起以前做保險時的一條賺錢公式「SMART」，她也為人生定下明確目標，並於3年前定下要在55歲前賺1千萬，她坦言去 年8、9月已達標，現時她已定下另一更大目標，就是在10年賺2億，不要以為這2億是信口開河，事實上這數目是經阿蘇深思熟慮，她說：「我父母今年90大 壽，自己又大使，如果慳慳哋一年使200、300萬，計吓計吓如果開心地活到100歲就仲有成45年，我計過要成2億，我要為自己預備將來，當set咗兩 億後就要諗點搵呢嚿錢，我搵咗好多賺錢高人出嚟飲茶，同佢哋講我有個新目標就係要賺2億，不過初初大家都當我玩吓，有個老友就叫我轉型，仲要我自己諗吓做 乜。」

獲黎智英過兩招
事實上阿蘇定下目標後就如重回幼稚園一樣，因為她要重新思考，每見賺錢奇人都不恥下問，並坦言上個月才到黎智英家中午膳，請教賺錢 秘訣，她說：「佢咁多百億都賺到，於是佢又講咗少少嘢畀我知，之後我就集合晒所有嘅說法，再加埋自己性格同做咗50幾年人嘅經驗，我就喺今年1月開始搞自 己嘢，主力係賣鮑魚、西班牙火腿同魚子醬，但就未公開發售住，不過單係搞個包裝就已經搞咗4個月，真係嘔咗我八桶血，不過我家仲學緊。」

搞講座僅花$150
今次講座也是阿蘇的賺錢渠道，她自誇由構思到籌備，她全程只花了150元，她說：「朋友話我做生意咁蠢，叫我斗零都唔可以拎出 嚟，不過要唔用錢做騷真係好難，但只要turn garbage into gold，即係將垃圾變銀紙就可以，於是我開始搵The Grand，叫佢將啲垃圾時段賣出嚟，好過得兩個人入場睇，我又打畀黎智英，話我同佢寫咗十幾年嘢，可唔可以落廣告畀discount，打咗好多友情牌， 呢啲都儲咗幾十年，家唔用等幾時。」阿蘇揚言只要嚴格跟隨「SMART」公式，2億就人人都可以賺到，她更誇口說：「就算冇2億，最渣嗰個都可以賺到 1%，渣到白癡都會有200萬啦。」

解剖SMART
SMART發達目標方程式
S---Specific　具體
M---Measurable　可數的
A---Attainable　能力可及
R---Realistic　實際可行
T---Trackable　可追溯的

阿蘇今次講座會以一個簡單的「SMART」賺錢公式教人如何成功的搵錢秘訣，事實上「SMART」即指「S」Specific、「M」 Measurable、「A」Attainable、「R」Realistic和「T」Trackable，阿蘇形容這條「SMART」公式是不少保險和 傳銷行業中人都熟識的，她也學足20多年，對這條公式滾瓜爛熟到足以教人，不過要真正將公式實行和融會貫通，就仍有一段距離。
 

定下人生目標
阿蘇表示這條公式的第一樣最重要是Specific，即具體，她說：「好似開心就唔具體，但搵兩億就好具 體；第二樣就係Measurable，即數到，開心數唔到；A係Attainable即能力做得到；Realistic唔好坐喺度話同法國總統食餐晏，李 嘉誠打本畀你做生意，呢啲就唔Realistic；最後係Trackable，係講時間，即係你要有個timetable，將呢五樣嘢好嚴厲排列出嚟，自 己可以好簡易做測試，測試你嘅人生目標，如果你目標過唔到呢個『SMART』，即係你錯到不得了，咁你就要睇吓邊度錯嘞，然後要做番啱佢，因為你過唔到， 你人生會嘥咗好多時間。」
阿蘇謂雖然很多人都知道「SMART」這方式，但卻永遠都像套不到在自己人生內，她表示中間一定有原因，她覺得最重要是人生一定要有目標。


攜過萬iPad潮爆
不要看年過半百的蘇施黃平日粗粗魯魯，打扮只是簡單隨意的恤衫西褲中性打扮，就以為她老土out爆，事實上阿蘇非但沒有與時代脫節，隨身之物更全都是時下潮物，iPad和iPhone 4不離身，夠堅夠型。

認真上網查字
阿蘇做事認真，她接受訪問時提到Specific這個字時，她一時語窮，想不到用一個合適的中文字眼來形容，於是她即拿出sharp爆黃撞紅色外殼的iPad出來上網查字典。
不要以為阿蘇的iPad外殼是普通街邊貨仔的價錢，事實上她的iPad外殼價值不菲，潮爆阿蘇透露她那部64G的iPad連外殼從美國訂購回來，價錢是雙倍盛惠過萬，不過以現時阿蘇日理萬機的情況，相信iPad真的幫她不少。

80後小本創業 分三路網上賺錢

金融海嘯後，80後常投訴社會不給他們機會，其實80後身處傳統媒體及新媒體興起之間的夾縫，絕對是一個優勢；近年香港流行的拍賣網正好提供一個在新媒體販賣的商機，開小舖亦可依靠網上宣傳，寫網誌也可賺取收入。

傳統上，零售要開舖交租才可賣物，拍賣網的出現，人人皆可成老闆。Yahoo拍賣及eBay亦是不錯的選擇。Yahoo拍賣每賣一件貨品收取1至4元刊登 費，視乎貨品定價而定，而顯示時限為10天，如沒有賣家勝出拍賣可重拍兩次，若完成後仍未有人投得便要重新付刊登費，較高價的貨品可能等待被競投的時間較 長，使費會較高，因此可能較適合銷售低價貨品。
至於eBay，一般刊登貨物免費，其他升級功能如商店功能，月費為50至250元，如要升級至專業 版售賣專家服務，需付每月30元的費用；另外，亦有圖片管理工具，收費由25至75元。從各種收費而言，eBay的確較為化算，售賣貴價物品亦沒額外的重 拍成本。此外，eBay擁有國際性Paypal款項交收服務，無疑是讓貨品推向國際的好工具。

 

廣告預算小　門檻低
至於如何於網上賣廣告，把商品帶到顧客群亦有一門學問。Google大中華區及韓國廣告聯盟部總監黃盈（圖）指，免費的 Display Ad Builder（表）為一些資金緊絀的小企帶來一個簡單及無成本的製作廣告方案，用家只需幾個步驟，便可以免費製作專業的橫額廣告。她又指，簡化上載廣告 程序非常重要。
另外，Google Adwords亦為企業提供廣告安放平台，Google為你分析關建字後安排出現廣告的網站，收費方面，會按廣告關鍵字，以點擊次數為準則、價高者得的形式收費，投放廣告又可設定每月或每日資金預算，較傳統網站大額投放資金賣廣告的門檻低。
如 果不想做實貨買賣，亦可考慮開網誌，靠廣告收入賺錢，雖然收入金額未必大，不過勝在成本近乎零，而風險亦非常之低。於網誌上加入廣告費非常簡單，以 Blogger.com為例，只要於個人網誌中盈利一欄，選取安放廣告，等待Google Adsense方面核准之後便會自動登上，用家亦可查詢每日廣告收入。收益計算則要網誌儲夠100美元收益，廣告費便會發出。表面上看似簡單，不過如網誌 觀看人數不足，有可能等上數年才有第一筆廣告費，不過亦曾有博客可靠網誌收入為生，成功與否，當然要視乎點擊率而定。

網上三「錢途」
•寫網誌讓廣告在其中安放以賺取收入
•善用新媒體販賣實物
•開小舖到網上宣傳

針對性電郵　宣傳效益大
經常在網上行銷的花店Oneoneflower行政總裁Stella表示，一般宣傳方法，例如電視、報紙及雜誌廣告等，已 經毫無成效，一來生命周期只得一兩日，二來「可能都市人對這些單向的媒體有了抗體，入唔到腦」。她亦曾試過在Google、Yahoo等網上平台落廣告， 效果不大，又指中小企欠缺資金，很難跟大公司爭頭位廣告，故現時她以Facebook等社交媒體作宣傳，針對客戶的需要來作宣傳，例如她知道有客人將要結 婚，她就主動提供服務；又例如客戶生日，便送上當天的生日花花語，告知其寓意。
她指出，今時今日廣告着重雙向，單向的大廣告，她表示「除非老竇大把錢」，否則不可能跟大公司抗衡。
她建議80後創業，應多用針對性電郵宣傳及網上免費資源，例如Google App，可包攬中小企電郵系統、網站、員工更表及聯絡等，基本上中小企只需付域名每年10美元的費用。

成功博客月入近40萬
網誌WebAppers創辦人Ray指出，寫網誌的秘訣在於內容、搜尋引擎優化（SEO）、設計簡單易用、社交網站宣傳及定期更新，「最好每天都有更新，或一星期三天都可以。最重要是一致性，令讀者習慣瀏覽博客，千萬不要一段長時間不更新。」
搜 尋器幾乎已成用家們瀏覽器的首頁，故Ray續指，令搜尋引擎容易找到你博客的內容，只要集中最主要的幾個SEO守則便可， 另外，應多花時間在內容上，他表示，內容要獨特，不妨加自己的意見，「很多時候獨特的見解是留住讀者最好的因素」。現時他的網誌 WebAppers.com月入約2000美元。
他指，超過八成的博客都賺不到一毛，賺錢的博客月入100至1000美元之間，而頂尖博客月入可高達5萬美元（約39萬港元）。

資料來源:蘋果日報